Fara beint í efni
Gulur

Persónuverndarstefna Guls bíls

Ábyrgðaraðili: Gulur bíll ehf., kt. 581215-0370

Gildistökudagur: 1. október 2026

Gulur bíll ehf. leggur áherslu á ábyrga og örugga meðferð persónuupplýsinga. Stefna þessi útskýrir hvaða upplýsingar við vinnum, hvers vegna við vinnum þær, hverjum þær kunna að vera afhentar, hversu lengi þær eru varðveittar og hvaða réttindi einstaklingar eiga.

1. Gildissvið

Stefnan gildir um vinnslu persónuupplýsinga í tengslum við rekstur og umsjón bílastæða, sjálfvirkan lestur skráningarnúmera, greiðslur, áskriftir og bílastæðaheimildir, reikningagerð og innheimtu, þjónustuver, samskipti við viðskiptavini og notkun vefsvæða og stafrænna þjónustuleiða Guls bíls.

Sérstök upplýsingagjöf getur gilt á einstökum bílastæðum eða í tiltekinni þjónustu. Upplýsingar á skiltum við innkeyrslu, í greiðslukerfi eða í samningi við lóðar- eða fasteignareiganda geta því bætt við þessa stefnu.

2. Hver ber ábyrgð á vinnslunni

Gulur bíll ehf. er ábyrgðaraðili þegar félagið ákveður tilgang og aðferðir við vinnslu persónuupplýsinga, meðal annars vegna eigin viðskiptasambanda, þjónustuvers, reikningagerðar, innheimtu og reksturs þeirra bílastæða þar sem félagið fer með slíkar ákvarðanir.

Á sumum bílastæðum kann eigandi, umráðamaður eða annar rekstraraðili svæðisins að vera ábyrgðaraðili og Gulur bíll að vinna upplýsingar fyrir hans hönd sem vinnsluaðili. Á skiltum eða annarri fræðslu fyrir viðkomandi svæði skal koma fram hver ábyrgðaraðilinn er. Beiðni sem berst Gulum bíl og varðar annan ábyrgðaraðila verður eftir atvikum framsend honum eða einstaklingi leiðbeint um réttan viðtakanda.

Samskiptaupplýsingar Guls bíls:

3. Hvaða persónuupplýsingar við vinnum

Við kunnum að vinna eftirfarandi flokka upplýsinga, eftir því hvaða þjónusta er notuð:

  • upplýsingar um ökutæki, svo sem skráningarnúmer, tegund ökutækis og eftir atvikum mynd af skráningarmerki ökutækis;
  • upplýsingar um bílastæðanotkun, svo sem inn- og útkeyrslutíma, staðsetningu, dvalartíma, gjaldsvæði og stöðu greiðslu eða heimildar;
  • auðkennis- og samskiptaupplýsingar, svo sem nafn, kennitölu þegar hún er nauðsynleg, heimilisfang, símanúmer og netfang;
  • upplýsingar um greiðslur, reikninga og kröfur, þar á meðal greiðslustaðfestingu, reikningsnúmer, stöðu kröfu og innheimtusögu; við varðveitum almennt ekki full greiðslukortanúmer;
  • upplýsingar um áskriftir, bílastæðaheimildir, flotaskráningar og tengsl ökutækis við einstakling, fyrirtæki eða stofnun;
  • samskipti við þjónustuver, kvartanir, beiðnir um leiðréttingu og gögn sem einstaklingur leggur fram máli sínu til stuðnings;
  • tæknilegar upplýsingar vegna vefja og kerfa, svo sem IP-tölu, tækjaupplýsingar, atvikaskrár og kökur, eftir því sem við á; og
  • aðrar upplýsingar sem nauðsynlegar eru til að veita þjónustu, leysa úr ágreiningi, tryggja öryggi eða uppfylla lagaskyldur.

4. Hvaðan upplýsingarnar koma

Upplýsingar geta borist:

  • beint frá einstaklingi, til dæmis við greiðslu, skráningu, kaup á áskrift eða samskipti við þjónustuver;
  • frá ANPR myndavélum og öðrum tæknibúnaði á bílastæðum;
  • frá eiganda eða rekstraraðila bílastæðis, vinnuveitanda, áskriftargreiðanda eða öðrum sem hefur heimild til að skrá heimildir til lagningar;
  • frá greiðslu-, reikninga-, auðkenningar- og innheimtuþjónustum; og
  • úr opinberum eða öðrum lögmætum skrám þegar slíkt er nauðsynlegt og heimilt, til dæmis til að beina kröfu eða erindi til rétts aðila.

5. Tilgangur og lagagrundvöllur vinnslu

  • Að veita bílastæðaþjónustu: Skrá inn- og útkeyrslu, reikna gjald, staðfesta greiðslu eða heimild og veita áskrift. (Lagagrundvöllur: Samningur eða ráðstafanir fyrir samning)
  • Reikningagerð og bókhald: Gefa út reikninga, varðveita fylgiskjöl og sinna skattskilum. (Lagagrundvöllur: Lagaskylda)
  • Vangreiðslur og kröfur: Greina ógreidda dvöl, senda tilkynningar, svara fyrirspurnum og innheimta kröfur. (Lagagrundvöllur: Samningur og lögmætir hagsmunir)
  • Rekstur og öryggi: Tryggja virkni kerfa, rekjanleika, netöryggi, aðgangsstýringu og koma í veg fyrir misnotkun. (Lagagrundvöllur: Lögmætir hagsmunir og eftir atvikum lagaskylda)
  • Þjónusta og úrlausn mála: Svara fyrirspurnum, leiðrétta skráningar og leysa ágreining. (Lagagrundvöllur: Samningur og lögmætir hagsmunir)
  • Markaðssamskipti og óþarfar kökur: Senda markaðsefni eða mæla notkun vefjar þegar samþykkis er krafist. (Lagagrundvöllur: Í afmörkuðum tilvikum lögmætir hagsmunir)

6. Myndavélalestur og sjálfvirk vinnsla

Á bílastæðum með sjálfvirkum myndavélalestri les ANPR kerfi skráningarnúmer við inn- og útkeyrslu og tengir það við tíma, staðsetningu, gjaldskrá, greiðslu eða bílastæðaheimild. Tilgangurinn er að skrá bílastæðanotkun, reikna rétt gjald, staðfesta heimild og greina mögulega vangreiðslu eða misnotkun.

Kerfið getur sjálfkrafa reiknað bílastæðagjald og merkt færslu til frekari afgreiðslu ef greiðsla eða heimild finnst ekki. Sjálfvirkur aflestur getur verið rangur, meðal annars vegna birtu, veðurs, óhreininda eða óskýrs skráningarmerkis. Einstaklingur getur óskað eftir mannlegri yfirferð, komið á framfæri athugasemdum og mótmælt niðurstöðu eða kröfu.

Myndavélar eru stilltar og staðsettar með það að markmiði að afla aðeins þeirra upplýsinga sem nauðsynlegar eru fyrir rekstur og öryggi bílastæðisins. Rafræn vöktun er merkt á viðkomandi svæði.

7. Miðlun og viðtakendur

Við miðlum aðeins persónuupplýsingum þegar það er nauðsynlegt, heimilt og viðeigandi. Viðtakendur geta verið:

  • eigendur, umráðamenn eða rekstraraðilar viðkomandi bílastæðis, eftir því hver ber ábyrgð á þjónustunni;
  • tæknilegir þjónustuaðilar, svo sem aðilar sem reka ANPR, bílastæða-, leyfa-, hýsingar-, samskipta- og öryggiskerfi;
  • greiðsluþjónustur, kortafyrirtæki, bankar og auðkenningarþjónustur;
  • bókhalds-, reikninga- og viðskiptakerfi, endurskoðendur og ráðgjafar;
  • innheimtuaðilar, lögmenn og dómstólar þegar nauðsynlegt er að stofna, hafa uppi eða verja réttarkröfu;
  • opinberir aðilar, þar á meðal lögregla og eftirlitsstofnanir, þegar lagaskylda eða lögmæt beiðni stendur til þess; og
  • aðrir aðilar með skýru samþykki einstaklings eða á öðrum fullnægjandi lagagrundvelli.

Þjónustuaðilar sem vinna upplýsingar fyrir okkar hönd fá aðeins að vinna þær samkvæmt fyrirmælum, gildandi vinnslusamningi og viðeigandi kröfum um trúnað og öryggi. Aðilar á borð við banka og kortafyrirtæki kunna að vera sjálfstæðir ábyrgðaraðilar vegna eigin lögbundinnar vinnslu.

8. Flutningur upplýsinga utan EES

Við leitumst við að vinna og hýsa persónuupplýsingar innan Evrópska efnahagssvæðisins. Ef upplýsingar eru fluttar til lands utan EES tryggjum við að heimild sé fyrir flutningnum og að viðeigandi verndarráðstafanir séu til staðar, svo sem ákvörðun um fullnægjandi vernd, staðlaðir samningsskilmálar framkvæmdastjórnar Evrópusambandsins og, þegar þörf krefur, viðbótarráðstafanir. Nánari upplýsingar um viðeigandi flutning má fá með því að hafa samband við okkur.

9. Varðveislutími

Við varðveitum persónuupplýsingar ekki lengur en nauðsynlegt er miðað við tilgang vinnslunnar, lagaskyldur, samningssamband, öryggi og mögulegar réttarkröfur. Þegar varðveisla er ekki lengur nauðsynleg er upplýsingum eytt eða þær gerðar ópersónugreinanlegar.

  • ANPR myndir og færslur sem tengjast venjulegri bílastæðanotkun: Bílastæðastjórnkerfi sem Gulur bíll notar heitir Autopay. Varðveislutími gagna í kerfinu er í samræmi við persónuverndarstefnu Autopay. Nálgast má stefnu þeirra á vefsíðunni autopay.io/terms/privacy/en.html
  • Greiðslur, reikningar og bókhaldsgögn: Samkvæmt gildandi bókhalds- og skattalögum, almennt í sjö ár frá lokum viðkomandi reikningsárs, nema lengri varðveisla sé nauðsynleg.
  • Ógreidd gjöld, kröfur og ágreiningsmál: Þar til máli er lokið og þann tíma eftir það sem nauðsynlegur er vegna fyrningar, sönnunar eða lagaskyldu.
  • Áskriftir og bílastæðaheimildir: Á meðan samningur eða heimild er virk og í eitt ár eftir lok hennar, nema málefnaleg ástæða eða lagaskylda krefjist annars.
  • Samskipti við þjónustuver: Í eitt ár frá lokum erindis eða lengur ef samskiptin tengjast samningi, kröfu eða ágreiningi.
  • Tæknilegar atvikaskrár og öryggisgögn: Í einn mánuð eftir eðli kerfis og áhættu, nema atvik krefjist lengri varðveislu.

10. Öryggi persónuupplýsinga

Við beitum viðeigandi tæknilegum og skipulagslegum ráðstöfunum til að vernda persónuupplýsingar gegn óheimilum aðgangi, breytingu, miðlun, glötun eða eyðingu. Ráðstafanir taka mið af eðli vinnslunnar og áhættu og geta meðal annars falist í aðgangsstýringu, auðkenningu, dulkóðun þar sem við á, rekjanleika, afritun, uppfærslum, prófunum, verklagsreglum, þjálfun og trúnaðarskyldu. Aðgangur starfsfólks og þjónustuaðila er takmarkaður við það sem nauðsynlegt er vegna starfa þeirra.

11. Réttindi einstaklinga

Einstaklingur getur, eftir því sem skilyrði laga eru uppfyllt, óskað eftir:

  • fræðslu um og aðgangi að persónuupplýsingum sem unnið er með um hann;
  • leiðréttingu rangra eða ófullnægjandi upplýsinga;
  • eyðingu upplýsinga;
  • takmörkun vinnslu;
  • afhendingu upplýsinga á skipulegu, algengu og tölvulesanlegu sniði og flutningi þeirra til annars aðila;
  • að andmæla vinnslu sem byggist á lögmætum hagsmunum, þar á meðal beinni markaðssetningu;
  • að afturkalla samþykki; og
  • mannlegri yfirferð og því að koma sjónarmiðum á framfæri þegar ákvörðun byggist á sjálfvirkri vinnslu og hefur veruleg áhrif.

Réttindin eru ekki undantekningarlaus og kunna að takmarkast af réttindum annarra, lagaskyldum, réttarkröfum eða öðrum heimildum í lögum. Við kunnum að óska eftir upplýsingum til að staðfesta auðkenni og tengsl við skráningarnúmer áður en beiðni er afgreidd. Við svörum að jafnaði innan eins mánaðar; heimilt er að framlengja frestinn um allt að tvo mánuði þegar beiðni er flókin eða margar beiðnir hafa borist, gegn tilkynningu innan fyrsta mánaðarins.

12. Kvartanir og samskipti

Beiðnir um réttindi, athugasemdir við vinnslu eða fyrirspurnir um þessa stefnu má senda á gulur@gulur.is. Til að finna rétta færslu getur þurft að tilgreina skráningarnúmer, bílastæði, dagsetningu og áætlaðan tíma. Ekki skal senda óþarfa persónuupplýsingar.

Einstaklingur á einnig rétt á að leggja fram kvörtun hjá Persónuvernd. Nánari upplýsingar eru á www.personuvernd.is.

13. Vefkökur og sambærileg tækni

Vefsvæði okkar kunna að nota nauðsynlegar kökur til að tryggja virkni, öryggi og val notanda. Aðrar kökur, til dæmis vegna tölfræði eða markaðssetningar, eru aðeins notaðar með samþykki þegar þess er krafist. Notandi getur breytt vali sínu í kökustillingum. Nákvæm skrá yfir kökur, tilgang þeirra, þjónustuaðila og gildistíma skal birt í kökuborða eða sérstakri kökustefnu.

14. Markaðssamskipti

Ef við sendum rafræn markaðssamskipti gerum við það á viðeigandi lagagrundvelli. Hægt er að afþakka slík samskipti hvenær sem er með afskráningartengli eða með því að hafa samband við okkur. Þjónustutilkynningar sem nauðsynlegar eru vegna samnings, öryggis eða breytinga á þjónustu teljast ekki markaðsefni.

15. Breytingar á stefnunni

Við endurskoðum þessa stefnu þegar breytingar verða á þjónustu, kerfum, lagakröfum eða ábyrgðarskiptingu. Ný útgáfa verður birt á www.gulur.is með gildistökudegi. Ef breyting er veruleg verður vakin sérstök athygli á henni eftir því sem við á.

16. Lög og viðmið

Stefnan byggist einkum á lögum nr. 90/2018 um persónuvernd og vinnslu persónuupplýsinga og almennu persónuverndarreglugerðinni 2016/679 eins og hún hefur lagagildi á Íslandi. Um rafræna vöktun, bókhald, rafræn samskipti og innheimtu gilda einnig viðeigandi sérreglur hverju sinni.